සැමරුම් පෙළපාලියක් තුළට ධාවනය වූ මෝටර් රථයක්
එංගලන්තයේ ලිවර්පූල් ප්‍රදේශයේ පැවති සැමරුම් පෙළපාලියක් තුළට මෝටර් රථයක් ධාවනය කිරීමෙන් සිදුවූ අනතුරකින් පුද්ගලයින් 47දෙනෙකු තුවාල ලබා තිබෙන බව විදෙස් මාධ්‍ය වාර්තා කරනවා.
ලිවර්පූර් පාපන්දු සමාජයේ ජයග්‍රාහී පෙලපාලි සැමරුම සිදුවන අවස්ථාවේ ඊයේ (26) පස්වරුවේ මෙම අනතුර සිදුව ඇති බව එම මාධ්‍ය සඳහන් කරනවා.
අනතුරින් තුවාල ලැබූ පුද්ගලයින් 27 දෙනෙකු රෝහල් ගතකර ඇති අතර, ඉන් කුඩා දරුවෙකු ඇතුළු තිදෙනෙකුගේ තත්ත්වය බරපතළ බව සඳහන් වෙනවා.
මෙම අනතුර සම්බන්ධයෙන් මෝටර් රථය ධාවනය කළ රියදුරු වන 53 හැවිරිදි බ්‍රිතාන්‍ය ජාතිකයෙකු අත්අඩංගුවට ගෙන තිබෙන අතර, මෙය ත්‍රස්තවාදී ක්‍රියාවක් විය නොහැකි බව එරට ආරක්ෂක අංශ පවසනවා.
