අගමැති මෝදිට විශේෂ දවසක්
ජනවාරි 13 වනදා ආරම්භ වූ මහා කුම්භමේලා 2025 උත්සවය පෙබරවාරි 26 වනදා මහා ශිවරාත්‍රිය දක්වා පවතිනවා.
මෙය ලොව පුරා පවතින විශාලතම අධ්‍යාත්මික හා සංස්කෘතික උත්සව වලින් එකක් වන අතර එය ලොව පුරා බැතිමතුන් සමරනු ලබනවා.
විශේෂයෙන් ම ඉන්දීය අගමැති නරේන්ද්‍ර මෝදි මහතා මෙවර මහා කුම්භ මේලා උත්සවයට සමගාමීව එරට ප්‍රයාග්‍රාජ් වෙත ගොස් සංගම් නම් ස්ථානයේදී ශුද්ධ වූ ස්නානයට එක්වී තිබෙනවා.
එහිදී, උත්තර් ප්‍රදේශ් ප්‍රධාන අමාත්‍ය යෝගී ආදිත්‍යනාත් සමඟ ඔහු අරයිල් ඝාට් සිට ගංගා, යමුනා සහ මිථ්‍යා සරස්වතී යන ශුද්ධ ගංගා එක්වන ත්‍රිවේණි සංගම දක්වා බෝට්ටු සවාරියක් ද ගොස් තිබෙන බව සඳහන් වෙනවා.
මේ අතර, ඇපල් සම-නිර්මාතෘ ස්ටීව් ජොබ්ස්ගේ හිටපු බිරිඳ ලෝරේන් පවෙල් ජොබ්ස්, කෝල්ඩ්ප්ලේ ගායක ක්‍රිස් මාටින් සහ හොලිවුඩ් නළු ඩකෝටා ජොන්සන් වැනි ලොව පුරා සිටින පුද්ගලයින් ද මහා කුම්භ නැරඹීමට පැමිණ තිබෙන බව වාර්තා වෙනවා.
