දේශබන්දුට ලැබුණු උසාවි නියෝගය
වැඩ තහනමට ලක්වී සිටින පොලිස්පති දේශබන්දු තෙන්නකෝන් මහතා අද (20) අධිකරණය වෙත ඉදිරිපත් කිරීමෙන් පසුව, අප්රේල් 3 වනදා දක්වා රක්ෂිත බන්ධනාගාරගත කර තිබෙනවා.
2023 වසරේ වැලිගම පැලෑන ප්රදේශයේ හෝටලයක් අසල සිදුවු වෙඩිතැබීමේ සිද්ධියකට අදාළව අත්අඩංගුවට ගැනීමට වරෙන්තු නිකුත් කර සිටි දේශබන්දු තෙන්නකෝන් මහතා, දින 20ක කාලයක් සැඟව සිට ඊයේ (19) දිනයේ අධිකරණයට භාරවුණේ, මෝසමක් ඉදිරිපත් කරමිනි.
ඒ අනුව, සැකකාර දේශබන්දු තෙන්නකෝන් මහතා අද දිනය දක්වා රක්ෂිත බන්ධනාගාර ගත කරන ලෙසට මාතර මහෙස්ත්රාත්වරයා ඊයේ නියෝග කළා. අදාළ නියෝගයට අනුව දේශබන්දු තෙන්නකෝන් මහතා ඊයේ පස්වරුවේ අගුණුකොළපැලැස්ස බන්ධනාගාරයේ විශේෂ ආරක්ෂාවක් යටතේ රඳවා තිබුණා.
රක්ෂිත බන්ධනාගාර ගත කර සිටින සේවය අත්හිටුවනු ලැබු පොලිස්පති දේශබන්දු තෙන්නකෝන් මහතා අද 20 දිනයේ යළි මාතර මහෙස්ත්රාත් අධිකරණය වෙත ඉදිරිපත් කෙරුණේ ඒ අනුවයි.
