මියන්මාර වැසියන්ට ආධාර දෙන්න සල්ලි හොයන විදිහ
භූ කම්පනයෙන් විපතට පත් මියන්මාර වැසියන්ට ආධාර ලෙස ලබාදීමට මුදල් එකතු කිරීම සඳහා අප්රේල් 11 වනදා දීප ව්යාප්ත පිණ්ඩපාත චාරිකාවක් සංවිධාන කිරීමට තීරණය කළ බව, සමස්ත ලංකා ශාසනාරක්ෂක මණ්ඩලයේ සභාපති පූජ්ය තුඹුල්ලේ සීලක්කන්ද හිමි සමස්ත ලංකා ශාසනාරක්ෂක මණ්ඩලය සඳහන් කරනවා.
එමෙන්ම, මල්වතු පාර්ශ්වයේ අනුනායක පූජ්ය දිඹුල්කුඹුරේ විමලධම්ම හිමි සඳහන් කළේ, ශ්රී දළදා මාලිගාවේ දියවඩන නිලමේවරයා ඇතුළු කාර්ය මණ්ඩලය සහ මල්වතු – අස්ගිරි දෙපාර්ශ්වය මියන්මාරයට උපකාර කිරීමට බලාපොරොත්තු වන බවයි.
පසුගියදා මියන්මාරයට බලපෑ ප්රබල භූ කම්පනයෙන් මියගිය පිරිස මේ වනවිට 2,700 ඉක්මවා ඇති අතර තවත් 4,000 කට ආසන්න පිරිසක් තුවාල ලබා ඇති බව සඳහන් වෙනවා.
එමෙන්ම, ගොඩනැගිලි කඩා වැටීමත් සමග සුන්බුන්වලට යටවී අතුරුදන්වූවන් සොයා මියන්මාරයේ සහ තායිලන්තයේ සිදුකෙරෙන මෙහෙයුම් අඛණ්ඩව සිව්වන දිනටත් ක්රියාත්මකව පවතිනවා.
මේ අතර, භූ කම්පනයෙන් විපතට පත් ජනතාවට සහන සැලසීම සඳහා මෙරට වෛද්ය කණ්ඩායමක් මියන්මාරයට පිටත්කිරීමට සූදානම් කර ඇති බව සෞඛ්ය අමාත්ය වෛද්ය නලින්ද ජයතිස්ස මහතා පවසා තිබෙනවා.
අමාත්යවරයා පැවසුවේ, තනාපති කාර්යාල වලින් දැනුම් දීම් කළ වහාම අදාළ වෛද්ය කණ්ඩායම් පිටත් කර යැවීම සඳහා කටයුතු කරන බවයි.
