බස්නාහිර පළාතේ රියදුරන්ට නිවේදනයක්

මැයි මස 05 සහ 06 යන දෙදින බස්නාහිර පළාත තුළ ආදායම් බලපත්‍ර නිකුත් කරන සියලුම බලපත්‍ර කවුළු වසන බව දැනුම්දෙනවා.

බස්නාහිර පළාත් ප්‍රධාන ලේකම් එස්.එල් ධම්මිකා කේ. විජයසිංහ සඳහන් කළේ, 2025 මැයි 06 වනදා පැවැත්වෙන පළාත් පාලන මැතිවරණයේදී නිලධාරීන් මැතිවරණ රාජකාරී සඳහා මුදාහැරීමට සිදුවන බැවින් මෙම තීරණය ගත් බවයි.

ඒ අනුව, යම් වාහනයකට දඩ අය කිරීමකින් තොරව වාහන ආදායම් බලපත්‍ර ලබාගත හැකි අවසාන දිනය 2025 මැයි 05 හා 06 වන අවස්ථාවලදී, පළාත් පාලන මැතිවරණයෙන් පසු බලපත්‍ර රාජකාරී ආරම්භ කරන ප්‍රථම දිනයේදී එම වාහනයට දඩ මුදල් අය කිරීමකින් තොරව බලපත්‍ර ගාස්තු ගෙවා වාහන ආදායම් බලපත්‍රය ලබා ගැනීමට අවස්ථාව සලසා තිබෙනවා.