වැලිවේරියේ සිදුවූ වෙඩි තැබීම
වැලිවේරිය අරලියගස්දෙක හන්දිය ප්රදේශයේදී ඊයේ (13) රාත්රියේ සිදුකළ වෙඩිතැබීමකින් පුද්ගලයකු තුවාල ලබා තිබෙනවා. තුවාල ලැබූ පුද්ගලයා ප්රතිකාර සඳහා ගම්පහ දිස්ත්රික් මහ රෝහලට ඇතුලත් කෙරුණු බව පොලීසිය පවසනවා.
ඒ වගේම, මෝටර් රථයකින් ගමන් කරමින් සිටි පුද්ගලයෙකු ඉලක්ක කරගනිමින් මෙම වෙඩිතැබීම සිදුකර ඇති බව පොලීසිය සඳහන් කරනවා.
වෙඩි ප්රහාරයෙන් එම පුද්ගලයාගේ වම් අතට තුවාල සිදුවී ඇති අතර, වෙඩි වැදිමෙන් පසු ඔහු රථය නොනවත්වා රෝහල වෙත ධාවනය කර ඇති බව සඳහන් වෙනවා.
යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් පිස්තෝල වර්ගයේ ගිනිඅවියකින් මෙම වෙඩිතැබීම සිදුකර ඇති බවට පොලීසිය සැක පළ කරනවා.
සිද්ධිය සම්බන්ධයෙන් පොලිස් කණ්ඩායම් 3ක් පරීක්ෂණ සිදුකරනු ලබනවා.
