ට්රම්ප්ගේ තීරණ නිසා හැමදාම වැටෙන්න බෑනේ
එක්සත් ජනපද ජනාධිපති ඩොනල්ඩ් ට්රම්ප්ගේ නව තීරුබදු යෝජනා හමුවේ ගෝලීය කොටස් වෙළෙඳපොළ කඩාවැටුණු පසුබිමක, පසුගිය දින තුන පුරාවට දැඩි පසුබෑමකට ලක්වූ කොළඹ කොටස් වෙළෙඳපොළ අද (08) දිනයේ දී කැපී පෙනෙන වර්ධනයක් වාර්තා කළ බව වාර්තා වෙනවා.
ඒ අනුව, අද 908) දින තුළ සියලු කොටස් මිල දර්ශකය ඒකක 467.26 ක දැවැන්ත වර්ධනයක් අත්පත් කර ගැනීමට සමත් වූ අතර, ඊයේ (07) දිනයේ දී ඒකක 15,000 සීමාවෙන් මෙපිටට පැමිණි සියලු කොටස් මිල දර්ශකය අද (08) දිනයේ දී නැවත වරක් එම සීමාව ඉක්මවා යාමට සමත්ව තිබෙනවා.
දිනය අවසානයේ දී සියලු කොටස් මිල දර්ශකය ඒකක 15,127.71 ක් ලෙසින් සටහන් වූ අතර, අද දින රුපියල් බිලියන 2.89 ක ගනුදෙනු පිරිවැටුමක් වාර්තා කර තිබෙනවා.
කෙසේ වෙතත්, පසුගිය දින තුන තුළ දී පමණක් කොටස් වෙළෙඳපොළ කඩාවැටීම හේතුවෙන් රු. බිලියන 435 කින් කොළඹ කොටස් වෙළෙඳපොළේ, වෙළෙඳපොළ ප්‍රාග්ධනීකරණය පහළ ගොස් තිබුණා.
