කැනඩාවේදී අත්අඩංගුවට ගත් ශ්‍රී ලාංකිකයා කවුද?
ප්‍රංශයේ පැරිස් නුවර සිදුවු ගැටුමකට අදාළව කැනඩාවේදී අත්අඩංගුවට ගත් අපරාධ කල්ලි නායකයෙකු ලෙස සැලකෙන ශ්‍රී ලාංකිකයෙකු ප්‍රංශයට පිටුවහල් කිරීමට කැනේඩියානු අධිකරණයක් නියෝග කර තිබෙනවා.
යාපනයේ ක්‍රියාත්මක වූ ආවා කල්ලියේ නායකයා බව කියන ,ප්‍රසන්නා නල්ලලිංගම්, හෙවත්ිඅජන්තන් සුබ්‍රමනියම්‘ නැමැති මොහු පසුගිය වසරේ දෙසැම්බර් මාසයේ දී කැනඩාවේ ටොරොන්ටෝ හිදී අත්අඩංගුවට ගෙන තිබෙන බව වාර්තා වෙනවා.
2021 වසරේ දී ශ්‍රී ලංකාවෙන් පැන ගොස් සිටි මොහු නීතිවිරෝධීව අමෙරිකාව, ප්‍රංශය සහ කැනඩාව යන රටවල රැඳී සිට අතර, මෙරට සිදුවු පුද්ගල ඝාතන ඇතුළු අපරාධ කිහිපයකට ද අවශ්‍යව සිටි අයෙකු බව සඳහන් වෙනවා.
2022 වර්ෂයේ ප්‍රංශයේ සිදුවූ ඝාතන සිද්ධියක සැකකරුවෙකු වන මොහු ටොරොන්ටෝ හිදී පසුගිය දෙසැම්බර් මාසයේ අත්අඩංගුවට ගෙන මේ දක්වා රැඳවුම් මධ්‍යස්ථානයක රඳවා සිටි බව විදෙස් මාධ්‍ය වාර්තා කර තිබුණා.
ඒ අනුව, එම සිද්ධියට අදාළව ප්‍රසන්නා නල්ලලිංගම්‘ නැමැති අදාළ ශ්‍රී ලාංකිකයා ප්‍රංශයට පිටුවහල් කිරීමට කැනඩාවේ ඔන්ටාරියෝ අධිකරණය නියෝග කර කළ බව වාර්තා වෙනවා.
